İsrailin Tehranın Evin həbsxanasına endirdiyi hava hücumuna daxildə olan ünsürlər yardım edib və onların cəzalandırılması ilə bağlı tədbirlər görüləcək.

Axar.az xəbər verir ki, bu haqda İran Baş Prokurorluğu məlumat yayıb.

Məlumatda hadisə ilə bağlı əlaqəli olan şəxslərin təqibi, saxlanılması və barələrində hökm çıxarılması üçün qəti addımlar atıldığı vurğulanıb.

Qeyd edək ki, iyunun 23-də İsrail Hərbi Hava Qüvvələri Evin həbsxanasının girişi və inzibati binasını hədəf alıb. Hücum nəticəsində 70-dən çox insan, o cümlədən bir neçə prokuror, müstəntiq və zabit həlak olub.

Ölənlər arasında iki mülki şəxs və iki sıravi əsgərin də olduğu bildirilib.