Avropa liderlərinin Ukraynada qoşun yerləşdirmək istəyində inadkarlığı ümumi antirusiya əhval-ruhiyyəsinə uyğundur.

Axar.az xəbər verir ki, bunu Rusiya Prezidentinin mətbuat katibi Dmitri Peskov deyib.

Onun sözlərinə görə, Kreml Avropanın Moskvanın bu məsələ ilə bağlı tamamilə aydın və ardıcıl siqnallarını nəzərə almamasından məyusdur:

“Təbii ki, xarici hərbi kontingentin Ukrayna ərazisinə, sərhədlərimizə yaxın yerləşdirilməsi bizim üçün qəbuledilməzdir. Ümumiyyətlə, Avropa liderlərinin bu cür inadkarlığı, əlbəttə ki, hazırkı əhval-ruhiyyənin ümumi konturuna, yəni militarist, qarşıdurma, antirusiya əhval-ruhiyyəsinə uyğun gəlir. Bu baxımdan yalnız təəssüf hissini ifadə etmək olar”.