Əgər Ukraynada korrupsiya ilə bağlı yayılan məlumatlar təsdiqlənsə, bu, Almaniya tərəfindən Ukraynaya silah ixracı məsələlərinə təsir göstərə bilər.

Axar.az xəbər verir ki, bunu Almaniya hökumətinin rəsmisi Stefan Kornelius deyib.

"Federal hökumət həmişə vurğulayıb ki, Ukraynada antikorrupsiya qurumlarının müstəqilliyi və effektivliyi aparılan islahatların əsas nailiyyətlərindən biridir. Ukrayna gələcəkdə özünü məhz bu meyarlara uyğun olaraq yoxlamalıdır”, - rəsmi bildirib.

Qeyd edək ki, Prezident Vladimir Zelenski Ali Rada tərəfindən qəbul edilmiş və ölkənin iki əsas antikorrupsiya qurumu – Milli Antikorrupsiya Bürosu (NABU) və İxtisaslaşdırılmış Antikorrupsiya Prokurorluğunun (SAPO) səlahiyyətlərini məhdudlaşdıran qanun layihəsini imzalayıb.