Rusiya-Gürcüstan sərhədindəki Yuxarı Lars keçid məntəqəsində təxminən 1400 erməni yük maşını keçid üçün növbə gözləyir.

Axar.az erməni mediasına istinadən xəbər verir ki, müxtəlif ölkələrdən 3512 yük maşını ümumi növbədə qeydiyyatdadır ki, onlardan 1387-si Ermənistandandır.

Tıxacın yaranmasına səbəb Rusiyadan Gürcüstan və Ermənistan istiqamətində turist axınının kəskin artması olub. Bəzi günlərdə sərhəddə gözləmə müddəti 8 saata qədər çəkir. Tıxac Gürcüstanın “Daryal” keçid məntəqəsindən də əvvəl başlayır.

Xatırladaq ki, Mtsxeta-Stepantsminda-Lars beynəlxalq avtomobil yolu Ermənistanı Rusiya ilə birləşdirən yeganə fəaliyyət göstərən quru marşrutu olaraq qalır.