Rusiyada təhlükəsizlik orqanları cəbhədəki uğursuzluqlara görə günahlandırdıqları şəxsləri “korrupsiya ilə mübarizə” adı altında vəzifədən uzaqlaşdırırlar.

Axar.az xəbər verir ki, bu barədə “Nyu York Tayms” qazeti məlumat yayıb.

Məlumata görə, artıq beş sərhəd bölgəsindən üçündə yüksək vəzifəli şəxslərə qarşı korrupsiya ittihamları ilə cinayət işləri açılıb:

“Məmurlar sərhədin müdafiəsi üçün ayrılan vəsaitləri mənimsəməkdə ittiham olunurlar. Bu bölgələrdəki yüksək vəzifəli şəxslər həbs edilib və prokurorlar tərəfindən Moskvadan sərhədin möhkəmləndirilməsi üçün ayrılan pulları mənimsəməkdə ittiham ediliblər. Bu cinayət işləri Ukraynanın uğurlu sərhədyanı hücumlarının nəticəsidir"”.

Kremlin tədricən hərbi rəhbərlikdə də dəyişikliklər etdiyi vurğulanır. Bu dəyişikliklər də birbaşa hərbi uğursuzluqlara görə deyil, korrupsiya ittihamları adı ilə həyata keçirilir. Məqalədə qeyd olunur ki, ötən ildən – Rusiyanın müdafiə naziri Sergey Şoyqunun vəzifədən azad olunmasından sonra ölkədə generalların və Müdafiə Nazirliyinin rəhbər şəxslərinin korrupsiya işləri ilə əlaqədar “təmizlənməsi” prosesi davam edir.