Fridrix Merz kansler seçildikdən sonra Almaniya siyasətində Ukraynanın NATO-ya üzvlüyü perspektivinə dair mühüm dəyişikliklər baş verib.

Axar.az xəbər verir ki, bu barədə Ukraynanın Almaniyadakı səfiri Aleksey Makeyev bildirib.

Onun sözlərinə görə, Almaniyada Ukraynanın NATO-ya üzvlüyünə münasibət dəyişib:

“Məsələn, ilk dəfə Ukrayna-NATO Şurasında almanlar tərəfindən Ukraynanın NATO-ya üzvlüyü ilə bağlı tezis səsləndirildi. Onların bəyanatları artıq Alyansın rəsmi açıqlamalarından bir qədər irəli gedir. Və ya, məsələn, mən hazırda Müdafiə Nazirliyindəki həmkarlarımla Ukrayna Silahlı Qüvvələrinin taktiki və strateji dərslərinin alman Bundesveri və NATO üçün necə istifadə oluna biləcəyi barədə danışıqlar aparıram. Bizim buradakı məqsədimiz daha dərin inteqrasiyadır”.

O qeyd edib ki, artıq indi elə bir atmosfer var ki, əvvəlkindən qat-qat daha dərin proseslərdən danışmaq mümkündür:

“Merz şəxsən hazırda Ukraynanın NATO üzvü olmasına müsbət yanaşır”.