İran hökuməti ölkənin Milli İnkişaf fondunun rəhbər heyətini maaşlarının yüksək olması səbəbindən istefaya göndərib.

APA-nın verdiyi xəbərə görə, qurumun İdarə Heyətinin rəhbəri Safdar Hüseyninin məvacibi barədə (57 mln. tümən – 16 min dollardan çox) mətbuatda yayılan məlumatlar ictimaiyyət tərəfindən birmənalı qarşılanmayıb və nəticədə kütləvi ixtisar qərarının verilməsinə səbəb olub.

Xatırladaq ki, bir müddət öncə İranda bəzi bankların rəhbərliyində təmsil olunan şəxslərin 11-16 min dollar maaş alması barədə yaranan narazılıqla bağlı ali dini liderə siyahı verildiyi və bu siyahı üzrə ixtisarların başlayacağı bildirilmişdi.