Çeçenistan lideri Ramzan Kadırovun alternativi yoxdur.

Axar.az xəbər verir ki, bu sözləri Rusiya Dövlət Dumasının vitse-spikeri İqor Lebedev Ramzan Kadırovun prezidentliyə namizəd olacağı barədə açıqlamasına münasibət bildirərkən deyib. Onun fikrincə, Kadırovun regionda sülhün, sabitliyin bərqərar olmasında rolu böyükdür.

"O, bir nömrədir, ikinci variant isə yoxdur. Kadırov əhalinin qəlbində böyük hörmət qazanıb, Çeçenistan Respublikasının real lideridir. Mənim fikrimcə, Kadırov yeganə adamdır ki, Çeçenistanda sülhv və sabitliyi bərqərar edə bilib", - Lebedev deyib.

Xatırladaq ki, R.Kadırov Çeçenistanda sentyabrda keçiriləcək prezident seçkilərində namizəd olacağı barədə ötən gün rəsmi açıqlama verib.