Yay aylarında sərinləmək üçün istifadə edilən buzlu içkilər düzgün gigiyena qaydalarına əməl olunmadıqda sağlamlıq üçün risk yarada bilər.

Axar.az xəbər verir ki, bu barədə Türkiyə mediası məlumat yayıb.

Xüsusilə çirkli su ilə hazırlanan, düzgün saxlanılmayan və əllə təmas edən buzlar xəstəlik riskini artırır.

Buz içkilərə əllə deyil, maşa və ya digər mətbəx avadanlıqları vasitəsilə əlavə edilməlidir. Həmçinin buz hazırlanarkən istifadə olunan suyun təmiz və etibarlı mənbədən olması, buz qablarının və hazırlama maşınlarının mütəmadi dezinfeksiya edilməsi vacibdir.

Sağlam olmayan buz istifadəsi qarın ağrısı, ürəkbulanma, qusma, ishal və maye itkisinə səbəb ola bilər.