Axar.az
Yuxarı

Axar.Az Logo

Nazir Prezidentə səhiyyənin inkişafından danışdı

Ana səhifə Sağlıq
12 Punto 14 Punto 16 Punto 18 Punto

Azərbaycanda səhiyyənin inkişafina, maddi-texniki bazasının gücləndirilməsinə 2016-cı ildə əlavə olaraq 83 milyon manat ayrılıb. İndi həm paytaxtda, həm də ölkənin müxtəlif bölgələrində 28 tibb müəssisəsində təmir-tikinti işləri gedir. Bu il Gəncə şəhəri 1 nömrəli Şəhər Xəstəxanası, Ağsu və Biləsuvar mərkəzi rayon xəstəxanaları əsaslı təmir və tikintidən sonra əhalinin istifadəsinə verilib. Hazırda daha 8 rayon mərkəzi xəstəxanasının tikintisi davam etdirilir. Onlardan üçünün – Neftçala, Masallı, Zərdab xəstəxanalarının bu ilin sonunadək istifadəyə verilməsi planlaşdırılır.

Axar.az xəbər verir ki, bu barədə Azərbaycan Prezidenti İlham Əliyevin sədrliyi ilə Nazirlər Kabinetinin 2016-cı ilin doqquz ayının sosial-iqtisadi inkişafının yekunlarına və qarşıda duran vəzifələrə həsr olunmuş iclasında səhiyyə naziri Oqtay Şirəliyev məlumat verib.

"Qısa vaxt ərzində bir neçə xəstəxananın da tikintisi başa çatdıqdan sonra əminliklə deyə bilərik ki, Azərbaycanın hər bir bölgəsində, hər bir rayonunda əhali müasir xəstəxanalarda, müalicə-diaqnostika mərkəzlərində keyfiyyətli tibbi yardım ala bilir", - səhiyyə naziri bildirib.

O, həmçinin qeyd edib ki, vaxtilə ölkəmizdəki yeganə dövlət dializ mərkəzində cəmi 431 xəstə müalicə alırdısa, 800 nəfər xəstə növbə gözləyirdisə, bu gün həmin növbələr ləğv olunub. 27-si bölgələrdə olmaqla, 34 dövlət hemodializ mərkəzində 3112 xəstə dövlət hesabına müalicə alır. Mərkəzlərdən üçü məhz bu il istifadəyə verilib, daha biri də ilin sonunadək açılacaq.

Bütün dünyada geniş yayılmış şəkərli diabet xəstəliyi üzrə ölkəmizdə bir neçə il əvvəl 55 min xəstənin dövlət hesabına dərman vasitələri ilə təmin olunduğunu bildirən O.Şirəliyev bildirib ki, hazırda bu rəqəm 213 minə çatıb:

"Xəstəliyin vaxtında aşkarlanması, dövlətin onun müalicəsini tam öz üzərinə götürməsi nəticəsində, diabetin ağır formaları, fəsadları dəfələrlə azalıb. Nəticədə şəkərli diabetdən ölüm göstəricisi 15,8-dən 8,2-yə düşüb. Qeyd etmək lazımdır ki, təkcə şəkərli diabet xəstələri deyil, böyük maliyyə vəsaiti tələb edən hemofiliya, dağınıq skleroz, onkoloji və digər xəstələrin dərman təminatını da dövlət öz üzərinə götürüb".

Tarix
2016.10.08 / 12:02
Müəllif
Axar.az
Şərhlər
Digər xəbərlər

Meyvə-tərəvəzlərə vurulan bu maddə xərçəng yaradır

Koronavirus və parkinson arasında nə əlaqə var?

Bu gün ölkəmizdə neçə nəfər koronaya yoluxub?

Peyvənd pasportunun tələb olunacağı yerlər çoxalır

Banan qabığının bilmədiyiniz faydaları

Uşaqlara bu oyuncağı qətiyyən almayın – Xəbərdarlıq

Korona onkoloji xəstəlikləri artırır? - Baş onkoloq

İspanaq orqanizmi cavanlaşdırır

Bu qidalar təhlükə mənbəyidir - Ekspertdən xəbərdarlıq

Alçanın orqanizmə xeyri və ziyanı

KULT
<>
Xəbər xətti
  
  
  
yatsan
Axar.az'da reklam Bağla
Reklam
Bize yazin Bağla