Keks, piroq və peçenye hazırlayarkən xəmirə əlavə edilən kiçik bir çimdik duz desertin dadını və teksturasını əhəmiyyətli dərəcədə dəyişə bilər.

Axar.az Medicina.az-a istinadən xəbər verir ki, duz şirin yeməkləri duzlu etmir, əksinə, şəkərin dadını balanslaşdırır və şokolad, vanil və meyvə kimi əsas aromaları daha qabarıq göstərir.

Xüsusilə brauni, meyvəli piroq və peçenyelərdə az miqdarda duz daha zəngin dad yaradır. Lakin duzun düzgün əlavə edilməsi vacibdir. Mütəxəssislər xəbərdarlıq edirlər ki, duzu birbaşa mayanın üzərinə tökmək olmaz, çünki bu, mayalanma prosesini zəiflədə bilər.

Beləliklə, desertlərdə kiçik bir çimdik duz həm dadı gücləndirən, həm də xəmirin keyfiyyətini yaxşılaşdıran sadə, lakin təsirli üsuldur.