Onkoloq Anastasiya Kosyakova pəncərə açıq vəziyyətdə maşın sürməyin ciddi sağlamlıq riski yaratdığını izah edib.

Axar.az Medicina.az-a istinadən xəbər verir ki, o, sürücülərin mütəmadi olaraq işlənmiş qazlara məruz qaldığını və bunun bir çox sağlamlıq problemlərinə səbəb ola biləcəyini xəbərdar edib. Pəncərə açıq vəziyyətdə maşın sürmək problemi daha da ağırlaşdırır:

"İnsanlar tıxaclarda işlənmiş qazlardan çox zərər görürlər. Yayda sürücülər hava ilə birlikdə karbonmonoksit, karbohidrogenlər, aldehidlər, kükürd dioksid, his və benzopiren udanda pəncərələrini açaraq vəziyyəti daha da ağırlaşdırırlar. Bu maddələr bədəndə toplanaraq ciddi xəstəliklərə səbəb ola bilər".

Kosyakova əlavə edib ki, işlənmiş qazların mənfi təsirləri nəfəs darlığı, başgicəllənmə, angina və digər ürək-damar problemlərinə səbəb ola bilər. Sürücülər həmçinin tromboz, ateroskleroz və miokard infarktı kimi təhlükəli vəziyyətlər riski daşıyırlar.

Artan əsəb, qıcıqlanma və yuxusuzluq kimi nevroloji xəstəliklər də mümkündür.

Mütəxəssis vurğulayıb ki, avtomobil işlənmiş qazlarının müntəzəm olaraq nəfəs alınmasının ən ciddi nəticələrindən biri xərçəngdir.