Əks-göstəriş sertifikatları əsasən vaksinasiyanın hər hansı komponentinə ağır dərəcədə adekvat reaksiyası olan şəxslərə, hamiləlik və südvermə dövründə olan qadınlara veriləcək.

Axar.az xəbər verir ki, bu sözləri baş infeksionist Təyyar Eyvazov deyib. Onun sözlərinə görə, bunlar qəti əks-göstərişlərdir, amma əlavə olaraq nisbi əks-göstərişlər də var:

"Şəkərli diabet və onkoloji xəstəlik kimi bir sıra xroniki xəstəliklərin kəskin dövründə əks-göstəriş sertifikatı verilə bilər. Komissiyalar bunu dəyərləndirəcək, amma hələ işlərə tam başlanılmayıb. Həmin xəstələr sağaldıqdan sonra hesab edirəm ki, vaksinasiya olunacaqlar".