Ümumdünya Səhiyyə Təşkilatı (ÜST) koronavirusun yeni ştammı ilə maraqlanır.

Axar.az xəbər verir ki, bu fikirlər “New Scientist”in təşkilatın məlumatlarına istinadən yaydığı xəbərdə yer alıb.

Məlumata əsasən, ÜST koronavirusun “Mü” ştammını maraq doğuran COVID-19 mutasiyaları siyahısına daxil edib.

Koronavirusun yeni “Mü” və yaxud B.1.621 ştammı ilk dəfə 2021-ci ilin yanvar ayında Kolumbiyada aşkar olunub. Bu ştamm ilə yoluxma halları nəinki Cənubi Amerikada, həmçinin Avropada da aşkar olunub.

ÜST-nin məlumatına görə, hazırki vaksinlər bu ştamma qarşı daha az effektiv nəticə göstərə bilər. Həmçinin qeyd olunur ki, koronavirusun bu ştammının araşdırılması üçün əlavə tədqiqatlar tələb olunacaq.

ÜST, həmçinin qeyd edir ki, “Mü” ştammının dünyada yayılması halları azalıb və hazırda 1%-dən az təşkil edir.