Pandemiyanın nə vaxt sona çatacağını təxmin etmək mümkün deyil.

Axar.az xəbər verir ki, bunu ÜST-ün Avropa regionu üzrə nümayəndəsi Hans Kluge deyib.

“Gələcəkdə yeni və daha təhlükəli mutasiyalar görüb-görməyəcəyimizi söyləmək də mümkün deyil. Pandemiyanın nə vaxt bitəcəyini bilmirəm, amma bunun necə bitəcəyini deyə bilərəm. Dünyada peyvəndlənmə nisbətinin 70 faizə çatması və koronavirusa yoluxmuş insanların müalicəsində istifadə olunacaq effektiv və təhlükəsiz dərmanlar hazırladığımız zaman pandemiya sona çatacaq", - deyə Kluge bildirib.

ÜST rəsmisi dünyadakı səhiyyə sistemlərinin də gücləndirilməsinə ehtiyac olduğunu vurğulayıb:

“Biz pandemiyalara qarşı təkbaşına hərəkət edən milli dövlət anlayışından əl çəkdiyimiz zaman pandemiya sona çatacaq. Bu o zaman sona çatacaq ki, hamımız elmlə silahlanıb gördüyümüz işin məsuliyyətini üzərimizə götürəcəyik”.