İnfarktdan qorunmaq üçün profilaktik tədbirlər daha vacibdir, nəinki sonradan müalicə. Bir çoxları düşünür ki, infarkt olacaqsa, olacaq.

Axar.az Medicina.az-a istinadən xəbər verir ki, kardioloq Arina Arlanova ürəyi patologiyalardan qorumaq üçün əslində sadə vasitəni açıqlayıb.

“Bunun üçün mütləq hərəkət etmək, gəzmək və müxtəlif fəaliyyətlərlə məşğul olmaq lazımdır. Müntəzəm gəzinti, yoqa, 30 dəqiqə gimnastika, üzgüçülük, fiziki iş qan dövranını artırır, damarları möhkəmləndirir, təzyiqi normallaşdırır. Əzələ kütləsini bərkidir, şəkəri salır.

Qidalanmada nələrdən qaçmalıyıq:

- Çox acı, kəskin ədviyyatlı qidalardan qaçmaq;

- Yağlı qızarmış yeməmək;

- Şəkər və duzu azaltmaq;

- Çərəz, balıq, meyvələr yemək;

Müntəzəm olaraq, qanda xolesterin, şəkər analizi vermək.

Qanda şəkər və təzyiq nəzarətdə saxlanmalıdır. Eləcə də stress hormonunun qanda artmaması üçün psixoloji sakitləşdirici texnikalar etmək, əsəbləri müalicə etmək, nəfəs texnikaları edin”, - həkim bildirib.