Kabab, xüsusən quzu kababı zülal istehlakı üçün ən uyğun yeməkdir.

Axar.az Medicina.az-a istinadən xəbər verir ki, Rusiya Səhiyyə Departamentinin baş dietoloqu Antonina Starodubova sağlamlığa zərər verməyən kabab miqdarını açıqlayıb.

“Hər kiloqram bədən çəkisi üçün 1,6 qramdan çox zülal yeməməyin lazım olduğunu nəzərə alsaq, gündə 400 qramdan artıq kababa icazə verilmir. Gündə 120 qramdan çox protein qəbul etməməlisiniz. Donuz və quzu ətində 100 qramda təxminən 20 qram protein var. Yəni, gündə 300-400 qramdan çox olmayan ət yemək lazımdır.

Kababı tərəvəzlə yeyin və həddindən artıq yeməkdən çəkinin.

Uzun müddət həddindən artıq kabab yemək xroniki xəstəliklərin kəskinləşməsinə və ya yeni xəstəliklərin yaranmasına gətirib çıxarır.

Kababa sirkə, mayonez, qatıq, başqa əlavələr vurmaq olmaz”, - Starodubova qeyd edib.