Dişləri sarılaşdıran diş daşından qurtulmağın bir çox yolu var. Evdə asanlıqla tapılan inqrediyentlərlə dişlərinizi ağarda bilərsiniz.

Axar.az Medicina.az-a istinadən həmin üsulları təqdim edir:

Soda

Dişləri ağardıcı və diş daşı ilə mübarizə aparan qarışım üçün nəm diş fırçasının üzərinə bir az soda tökün və həm dişlərinizi, həm də diş ətlərini yaxşıca fırçalayın. Yuyulmadan əvvəl ən azı on beş dəqiqə saxlayın.

Bu, bakteriyaları öldürür və dişləri təbii şəkildə ağardır.

Portağal qabıqları

Portağal qabıqları da diş daşından xilas olmaq üçün əla vasitədir. Bunu etmək asandır, çünki portağal qabığının içini götürüb dişlərə və diş əti nahiyələrinə tətbiq edirsiniz.

Başqa bir üsul qabığın içindəki əzilmiş parçalardan məcun hazırlayıb su ilə qarışdırmaq və sonra dişlərə sürtməkdir.

Portağal qabığının C vitamini və antimikrobiyal xüsusiyyətləri diş daşı və dişlərdə yığılanları yox edir..