"Gənclik mall" ticarət mərkəzində "Dolby Atmos" texnologiyası ilə təchiz olunmuş regionun ən böyük "CinemaPlus" kinoteatrı açılıb.

Axar.az xəbər verir ki, açılış mərasimində çıxış edən "CinemaPlus" kinoteatrlar şəbəkəsinin baş direktoru Zaur Darabzadə "Dolby Atmos" texnologiyasının ilk dəfə Azərbaycanda "CinemaPlus" kinoteatrında təqdim edildiyini deyib.

Z.Darabzadə bildirib ki, kinoteatr doqquz zaldan ibarətdir və ən böyük zal 300 nəfər tamaşaçı tutur:

"Dolby Digital Atmos" texnologiyasının hesabına səs tamaşaçını hər tərəfdən əhatə edir. Səs müşayiətini kinoteatrın istənilən yerinə yerləşdirmək və yerini dəyişmək imkanı hesabına "Dolby Digital Atmos" film yaradıcılarına kinoda səsi yeni bir mərhələyə çıxarmaq imkanı yaradır. Nəticədə, tamaşaçı ekranda baş verənləri sadəcə izləmir, hadisənin mərkəzinə daxil olur".