Son günlər Rusiyanın İsgəndər-M operativ-taktiki raketlərini Kalininqrad vilayətində yerləşdirməsi barədə xəbərlər Qərbdə ciddi narahatlıq doğurub.

Rusiya İsgəndər-M komplekslərini Ermənistan ərazisində də yerləşdirib. Ermənistan Müdafiə Nazirliyi ölkə ərazisində bir neçə "İsgəndər" kompleksinin olduğunu təsdiq edib.

Rusiyanın kompleksləri Ermənistan ordusunun sərəncamına verdiyi, yoxsa 102-ci bazanın təchizatına daxil etdiyi dəqiqləşdirilməyib. Rusiyanın "İsgəndər" kompekslərini Ermənistanda yerləşdirilməsinə dair xəbərlər daha çox Azərbaycanda narahatlıq doğurub.

Musavat.com xəbər verir ki, bu gün Bakı vaxtilə saat 24:00-da "Rossiya-24" kanalı tanınmış rus jurnalist Arkadi Mamontovun "İsgəndər" raketləri haqda araşdırma filmini təqdim edəcək. Telekanal ötən gün sənədli filmin anonsunu da yayıb.