Dekabrın 22-si saat 17.00-da Azərbaycan Dövlət Mədəniyyət və İncəsənət Universitetində “Müasir Azərbaycan animasiyası” adlı konfrans keçiriləcək.

Kult.az xəbər verir ki, konfransda animasiya studiyalarının nümayəndələri, rejissorlar, prodüserlər, animasiya rəssamları və kinoşünaslar Azərbaycanda milli animasiyanın bu günkü vəziyyətini müzakirə edəcək. Konfrans çərçivəsində bu sənətin ölkədə gələcək inkişafının vacib məsələlərindən danışılacaq.

Həmçinin bir neçə animasiya filmlərinin təqdimatı da olacaq. Konfransda ilk dəfə olaraq “Azərbaycan animasiyası” adlı unikal bir kitab layihəsinin də təqdimatı olacaq.

Konfrans Azərbaycan Dövlət Mədəniyyət və İncəsənət Universitetinin dəstəyi ilə Çexiyanın “OLIEL Company” şirkəti tərəfindən təşkil olunur. Konfransa Azərbaycan Respublikasının Mədəniyyət və Turizm Nazirliyinin və “Azərbaycanfilm” kinostudiyasının nümayəndələri də dəvət olunub.

Jurnalistlər üçün akreditasiya [email protected] mail adresindən təsdiqlənir.

Ünvan: İnşaatçılar prospekti, 39

E-mail: [email protected]

Tel.: 050 462 91 49

Konfrans haqda əlavə məlumatları buradan oxuya bilərsiniz:

https://www.facebook.com/events/396886230739633/

https://www.facebook.com/Az.animasiya/

https://www.instagram.com/azerbaycan.animasiyasi/