İtaliya senatının kitabxanasında Xocalı soyqırımının 26-cı ildönümü ilə bağlı tədbir keçirilib.

Kult.az xəbər verir ki, tədbir tanınmış yəhudi yazarlar Amir və Arie Qutanın həmmüəllif olduqları “Ağrı” kitabının təqdimatı ilə başlayıb.

Kitabın Xocalı soyqırımı ilə bağlı həqiqətləri əcnəbi oxuculara çatdırmaq üçün dəyərli bir əsər olduğu vurğulanıb.

Müəlliflərin və qonaqların çıxışından sonra Speys TV-nin prezidenti, tanınmış rejissor Vaqif Mustafayevin çəkdiyi “Ağrını içimizdən çəkək” sənədli filmi ilk dəfə nümayiş olunub.

Qeyd edək ki, film Heydər Əliyev Fondunun vitse-prezidenti Leyla Əliyevanın təşəbbüsü ilə həyata keçirilən “Xocalıya ədalət” kampaniyası çərçivəsində çəkilib.