İngiltərənin BBC-2 televiziyasında yayımlanan “Girov” (“Collateral”) serialında Türkiyə ilə bağlı səhnə sosial mediada böyük ajiotaj yaradıb.

Kult.az xəbər verir ki, serialda İngiltərə kəşfiyyatından olan Sam Spens ilə Mİ5-in insan alveri ilə məşğul olanların içinə agent kimi yerləşdirdiyi Bərna Yalaz Türkiyənin Qırıqqala şəhərini bərbad yer kimi təqdim edib.

Filmdə Bərna Yalazın dilindən “Qırıqqala dünyanın ən bərbad yeridir. Səhər gözümüzü Türkiyədə açmadığımız üçün hər gün xoşbəxtik” sözləri verilib.

Bu sözlər Türkiyə vətəndaşlarını hiddətləndirib və onlar sosial şəbəkələrdə serial heyətinə etirazlarını bildiriblər.