Türkiyənin məşhur tarixi seriallarından biri olan "Payitaht Əbdülhəmid”də Azərbaycana da yer verilib.

Oxu.az xəbər verir ki, ekran işinin 51-ci seriyasında Azərbaycanın məşhur milyonçusu Hacı Zeynalabdinin Sultan Əbdülhəmidlə görüşü təsvir olunub.

Görüş zamanı Hacı Zeynalabdin Sultana Azərbaycan türkcəsində yazılmış Qurani-Kərim hədiyyə edir.

Serialdakı sözügedən səhnələr sosial şəbəkələrdə paylaşılıb. Sosial şəbəkə istifadəçiləri ekran işində Azərbaycanın tarixi şəxsiyyətinə yer verilməsini təqdir etsələr də, aktyor seçimini bəyənməyiblər.

Onlar seçilmiş obrazdan çox Sultanın Hacıya oxşadığını qeyd ediblər.

Bundan başqa, diqqət çəkən digər məqam Hacı Zeynalabdin obrazını canlandıran aktyorun Azərbaycan türkcəsində deyil də, Türkiyə türkcəsində dialoq qurması olub.