Elmi Araşdırmalar İctimai Birliyi Azərbaycan Respublikasının Prezidenti yanında QHT-lərə Dövlət Dəstəyi Şurasının maliyyə dəstəyi ilə “İRƏVAN: xatirələr və etiraflar” adlı qısametrajlı filmin çəkilişlərinə başlayıb.

Bu barədə Kult.az-a layihə rəhbəri Telman Qasımov məlumat verib. O bildirib ki, 100 il öncə İrəvan şəhərinin tarixi, mədəni abidələri, ziyalıları vandal aktına məruz qalıb:

“Bir əsrdə İrəvan, şübhəsiz ki, dəyişdi. Amma onu dəyişdirən zaman, illər yox, bu şəhəri Azərbaycandan güzəşt almış ermənilər oldu. Onlar nələri bacardılarsa, məhv etdilər, yer üzündən sildilər, nələri bacarmadılarsa, adlarını dəyişdirdilər və bu yolla insanlara unutdurmağa çalışdılar. Bu gün, 100 il sonra artıq İrəvan yox, Yerevan var. Yalnız xəritədə. Tarixdə, yaddaşlarda isə İrəvan yaşayır”.

Qeyd edək ki, filmin çəkilməsində məqsəd Azərbaycanın tarixi İrəvan şəhərinin və onun abidələrinin ermənilər tərəfindən məhv edilməsini beynəlxalq ictimaiyyətə çatdırmaqdır.