Biz Yavər Rzayevlə sadəcə zarafatlaşırdıq.

Bu sözləri Kult.az-a açıqlamasında xalq artisti Oqtay Mirqasımov rejissor Yavər Rzayevlə əlbəyaxa dava etməsi ilə bağlı yayılan görüntülərə münasibət bildirərkən deyib. O, hadisənin şişirdildiyini söyləyib:

“Kimsə şayiə yayıb ki, guya Yavər bəylə dalaşırıq. O insanlar gələndə biz artıq qucaqlaşmışdıq. Yavər bəylə aramızda heç bir problem yoxdur. Boş-boş xəbərlər yazmağa, böyütməyə ehtiyac yoxdur”.

Qeyd edək ki, Nizami Kino Mərkəzində Kino günü ilə bağlı keçirilən tədbirdə xalq artisti Oqtay Mirqasımovla rejissor Yavər Rzayev arasında əlbəyaxa dava olması ilə bağlı Yeniçağ.az məlumat yayıb. Məlumata görə, davaya Yavər Rzayevin çəkdiyi film səbəb olub. Filmdə Oqtay Mirqasımovun filmləri yer almadığı, eyni zamanda, ekran işində yanlışlığa yol verildiyi üçün qarşı tərəf qəzəblənib.