Türkiyənin Tokat vilayətində 2-ci Kitab Sərgisi çərçivəsində millət vəkili Qənirə Paşayevanın kitablarının təqdimat və imzalanma mərasimi keçirilib.

Kult.az xəbər verir ki, millət vəkili təqdimata ziyalı və gənclərin qatılmasından məmnunluğunu ifadə edib. Deputat qeyd edib ki, bu kitablar gənclərin türk dünyasını daha yaxşı tanımasına töhfə verəcək.

Q.Paşayeva Dağıq Qarabağ, Axıska, Krım, Kərkük, Türkmandağından, türk dünyasının problemləri və bundan çıxış yolları barədə çıxış edib.

O bildirib ki, hər bir türk insanı ortaq tariximizi yaxşı bilməlidir:

“Allahdan ən böyük arzum bir gün sizin kimi dəyərli insanlarla birlikdə belə tədbirləri Dağlıq Qarabağda, Şuşada, o gözəl torpaqlarımızda bərabər keçirməkdir”.

Q.Paşayeva sonda gəncləri maraqlandıran sualları da cavablandırıb və bələdiyyə başqanı, Tokat vilayətinin rəsmiləri, aydınları ilə söhbət edib.