“Taxt oyunları” serialının son sezonu və “Çernobıl” serialı ABŞ-ın ən prestijli televiziya mükafatına - “Emmi”yə sahib olub.

Kult.az xəbər verir ki, “Taxt oyunları” ən yaxşı dramatik serial nominasiyasında qalib seçilib. Bu nominasiyada serial “Ən yaxşısı Solaya zəng edin”, “Həvvanı öldürərkən”, “Ozark”, “Mühafizəçi”, “Varislər”, “Bu bizik” filmləri ilə rəqabət aparıb. Serial ümumilikdə 32 nominasiya üzrə namizəd göstərilib.

“Çernobıl” serialı isə 19 nominasiyada namizəd olmaqla yalnız “Taxt oyunları”ndan geri qalıb. Sovet İttifaqı tarixinin ən böyük faciələrinin birindən bəhs edən film 3 kateqoriya üzrə “Emmi” mükafatına layiq görülüb. Belə ki, “Çernobıl”- “ən yaxşı mini serial”, “mini filmin və ya serialın rejissor işi”, “mini serialın və ya filmin ssenarisi” nominasiyalarında hər kəsi qabaqlayıb.