88-ci Akademiya Mükafatlarının sahibləri bəlli olub.

Axar.az xəbər verir ki, "Mad Maks: Qəzəbli yol" filmi "ən yaxşı kostyum dizaynı", "istehsal dizaynı", "makiyaj", "fantastika", "səs effektləri", ən yaxşı səs sintezi" nominasiyaları üzrə 6 Oksar mükafatı qazanıb.

"Ən yaxşı aktyor" mükafatı "Diriliş" filmindəki roluna görə Leonardo Di Kaprioya verilib. Bri Larson isə "ən yaxşı aktrisa" mükafatına sahib olub.

Oskarda Fransanı "ən yaxşı xarici dildə film" kateqoriyasında təmsil edən Türkiyə əsilli rejissor Dəniz Qəmzə Ərgüvənin "Mustanq" filmi isə mükafatsız qalıb. Bu kateqoriyada mükafat Macarıstan istehsallı "Son of Soul" filminə verilib.

Los Ancelesdə təşkil edilən mükafatlandırma mərasimində "ən yaxşı rejissor" mükafatına meksikalı rejissor Alexandro Qonsales İnyarritu layiq görülüb. 2 il dalbadal bu kateqoriyada mükafat qazanan rejissor Con Ford və Cozef Leo Mankeviçin uğurunu təkrarlayıb.

Bütün mükafat sahibləri ilə Oskar Akademiya Mükafatlarının saytından tanış olmaq olar.

Qeyd edək ki, "Əli və Nino" filminin rejissoru Asif Kapadia dünya şöhrətli musiqiçi Emi Uaynhaus haqqında çəkdiyi "Emi" adlı sənədli filmi ilə "ən yaxşı sənədli film" kateqoriyasında qalib olub.