Türkiyəli jurnalist-yazar Ərsoy Dədə ölkənin Enerji və Təbii Sərvətlər naziri Barat Albayrağa qarşı ötən il uğursuz sui-qəsd cəhdinin baş tutduğunu iddia edib.

Axar.az xəbər verir ki, Dədə öz məqaləsində nazirə qarşı sistemli hücumların olduğunu da bildirib.

Həmin məqaləni təqdim edirik:

“Dəyərli dostlar... Barat Albayraq 24 noyabrda Türkiyənin enerji siyasətindən bəhs etmək üçün getdiyi Adanada şəhid ediləcəkdi. Adana Valiliyinin dayancağında partladılan bomba quraşdırlmış avtomobil və 2 saat sonra zərərsizləşdirilən digər bomba yüklü maşından bəhs edirəm. Əgər nazir həmin gün planlaşdırılan saatda Adanaya gəlib, valiliyi ziyarət etsəydi, terror aktının hədəfi olacaqdı. Yaxşı bəs nə üçün? Çünki Albayraq 24 noyabr 2015-ci ildə rus təyyarəsinin vurulmasından 1 gün sonra nazirlik postunu təhvil alarkən Türkiyənin böyük oyunu gördüyünü və bu tələyə düşməyəcəyini demişdi. Danışıqlara bir daha baxın. 15 iyul hadisələrinin arxasındakı qüvvələr hər cür fitnəkarlığı həyata keçirirlər. Əvvəlcə Allah, sonra millət. Hər şeyin fərqindəyik”.