Xəbər verdiyimiz kimi, Azərbaycan Respublikası Prezidenti İlham Əliyev Elçin Babayevi Bakı Dövlət Universitetinin rektoru təyin edib.

Axar.az xəbər verir ki, Elçin Babayev 4 aprel 1965-ci ildə Naxçıvanda doğulub. Azərbaycan Dövlət Pedaqoji Universiteti (1996-1997), Bakı Dövlət Universiteti (1998-1999), Əmək və Sosial Münasibətlər Akademiyası (1996-1999), 289 nömrəli məktəb – “Zəngi” liseyi (1995-2009), Azərbaycan Respublikasının Prezidenti yanında Dövlət İdarəçilik Akademiyası, Rəhbər Dövlət İdarəçiliyi Kadrlarının İxtisasının Artırılması İnstitutu, Rəhbər kadrların fasiləsiz təhsil mərkəzinin qısamüddətli ixtisasartırma kurslarında pedaqoji fəaliyyət göstərib.

E.Babayev 2005-ci ilin sentyabrında “Tərəqqi” medalı ilə təltif edilib.

O, yeni vəzifəsinədək Azərbaycan Respublikasının Prezidenti yanında Elmin İnkişafı Fondunun icraçı direktoru işləyib.

Fizika-riyaziyyat elmləri üzrə fəlsəfə doktoru, dosentdir.

E.Babayev həmçinin AMEA N.Tusi adına Şamaxı Astrofizika Rəsədxanasının (ŞAR) elmi işlər direktor müavini, "ŞAR Kosmik plazma və Heliogeofiziki problemlər" şöbəsinin rəhbəridir.