Azərbaycan Respublikasının Prezidenti yanında Dövlət Qulluğu Məsələləri üzrə Komissiya (DQMK) və Tələbə Qəbulu üzrə Dövlət Komissiyasının (TQDK) ləğv olunması və müvafiq prosedurların həyata keçirilməsi məqsədilə ləğv komissiyası yaradılıb.

APA-nın xəbərinə görə, Dövlət İmtahan Mərkəzinin (DİM) Direktorlar Şurasının sədri Məleykə Abbaszadə bu barədə əmr imzalayıb.

DİM-dən faktı təsdiqləyərək bildiriblər ki, ləğv komissiyası hazırda fəaliyyətini davam etdirir.

Qeyd edək ki, DİM oktyabrın 19-da dövlət qeydiyyatına alınıb.

Xatırladaq ki, Azərbaycan prezidenti İlham Əliyev aprelin 11-də Dövlət İmtahan Mərkəzi publik hüquqi şəxsin yaradılması haqqında fərman imzalayıb. Fərmanda müəyyən edilib ki, DİM dövlət qeydiyyatına alındığı andan DQMK və TQDK ləğv edilir, onların istifadəsində olan dövlət əmlakı DİM-in balansına verilir.