Bundan sonra hündürlükdə işləyən şəxslər mütləq qaydada vəsiqə almalıdırlar.

Fövqaldə Hallar Nazirliyinin təsdiq etdiyi qaydaya əsasən, 1,8 metrdən hündür ərazidə, risklərin mövcud olduğu sahədə iş görən şəxslər xüsusi kursdan və təcrübədən keçməlidirlər.

Belə vəsiqələri almaq üçün isə minimum yaş həddi 18-dir və vəsiqəni almaq üçün mütləq qaydada tibbi yoxlanışdan keçmək tələb olunur. Daha sonra lazımi nəzəri biliklər və təcrübələr öyrədilən işçilər, imtahandan keçməlidirlər. İmtahan isə bu sahə üzrə mütəxəssislərdən təşkil edilmiş attestasiya komissiyasının üzvləri tərəfindən keçiriləcək.

Bundan başqa, qaydalara əsasən, hündürlüyə çıxmalı olan işçi ilə müqavilə bağlanarkən mütləq tibbi arayış da tələb olunmalıdır.

Axar.az Xəzər Xəbər-in mövzu ilə bağlı daha ətraflı videomaterialını təqdim edir: