Ətin biri tünd qırmızı, üstündəki piy isə sarı rəngdədir. Digər ət isə açıq qırmızı, üzərindəki piy isə ağ rəngdə olsa da, hər ikisi eyni qiymətə satılır. Əslində isə biri dana, digəri isə inək ətidir və buna görə eyni qiymətə satılmamalıdır.

Xəzər Xəbər məlumat verir ki, mütəxəssislər dana əti ilə inək əti arasındakı ən böyük fərqin rəngi olduğunu bildirir. İnək əti nisbətən qoca və dişi heyvanlara məxsus olur ki, onu da rahatlıqla müəyyənləşdirmək mümkündür. Çünki doğmaq potensialı olan gənc və sütlük inəyi adətən kəsmirlər.

İnək ətinin satışına isə heç bir qadağa yoxdur. Bu ətlər də laboratoriyadan keçirildikdən sonra satışa çıxarıla bilər. Ancaq sahibkarların dana əti adı ilə müştəriyə inək əti satmasına qanunla icazə verilmir.

Qanunla cərimələr nəzərdə tutulsa da, alıcılar aldanmamaq üçün ət alarkən bu amillərə diqqət etsələr yaxşıdır.