ƏSA Teatrının Uilyam Şekspirin “Yay gecəsində yuxu” əsəri əsasında hazırladığı tamaşanın premyerası keçiriləcək.

Kult.az xəbər verir ki, fiziki məhdudiyyətli aktyorlardan ibarət ƏSA Teatrının “Yuxum” romantik komediyası mayın 2-si, saat 19:00-da təqdim olunacaq.

Tamaşanın quruluşçu rejissoru Şamil İbrahimov, rejissoru Nihad Qulamzadə, rəssamı Ülviyyə Mikayılova, qrafik dizayner və musiqi tərtibatçısı Aydın Rəhimov, səhnə tərtibatı Nicat Qulam, işıq rəssamı Bünyamin Sailovdur. Səhnə əsərində 15 aktyor rol alıb.

Qeyd edək ki, tamaşa Azərbaycan Teatr Xadimləri İttifaqının (Aktyorlar Evi) tamaşa salonunda baş tutacaq.