DİN-in əməkdaşları 3 rayondan ümumi çəkisi təqribən 2 ton olan çətənə kolu aşkarlayıblar.

Nazirlikdən Axar.az-a verilən məlumata görə, Nizami (Gəncə) RPİ əməkdaşları tərəfindən Gəncə şəhəri ərazisindən yabanı halda bitən, ümumi çəkisi 1 ton 230 kiloqram olan 2830 ədəd çətənə kolu məhv edilib.

Gədəbəy RPŞ əməkdaşları tərəfindən şəhər ərazisindən yabanı halda bitən, ümumi çəkisi 642 kiloqram olan 454 ədəd çətənə kolu aşkar edilib.

İsmayıllı RPŞ əməkdaşlarının həyata keçirdikləri əməliyyat-axtarış tədbirləri nəticəsində şəhər sakini Ramiz Əzimovun Müşkəmir kəndindəki evlərinin həyətində kultivasiya yolu ilə yetişdirdiyi 9 ədəd çətənə kolu aşkar edilərək götürülüb.