09:44

Lənkəranda qardaş qardaşını bıçaqlayıb.

Axar.az xəbər verir ki, Lənkəran şəhər sakini Emral Əmin oğlu Mirzəyev aralarında yaranmış münaqişə zamanı qardaşı Semral Əmin oğlu Mirzəyevə bıçaqla xəsarətlər yetirib.

Faktla bağlı cinayət işi başlanılmaqla istintaq aparılır.

***

Lənkəranda qardaşlar arasında bıçaqlanma hadisəsi ilə bağlı Lənkəran Şəhər Rayon Polis Şöbəsində cinayət məcəlləsinin müvafiq maddəsilə cinayət işi başlanılıb.

Bu barədə DİN-in Mətbuat Xidmətinin Lənkəran regional qrupundan bildirilib.

Qeyd olunub ki, həmin cinayət əməlini törətməkdə şübhəli bilinən şəxs polis əməkdaşları tərəfindən saxlanılıb. Araşdırma aparılır.

TƏBİB-dən isə bildirilib ki, dünən saat 15:10 radələrində xəsarət alması səbəbilə 2006-cı il təvəllüdlü şəxs (kişi) Lənkəran Rayon Mərkəzi Xəstəxanasının Təcili yardım şöbəsinə hospitalizasiya olunub.

Ona sol döş qəfəsin və sağ budun kəsilmiş-deşilmiş yarası diaqnozu təyin olunub. Pasiyentə zəruri tibbi yardım göstərilib. Hazırda müalicəsi Cərrahiyyə şöbəsində davam etdirilir. Vəziyyəti stabil olaraq qiymətləndirilir.