İnsan ömrünün təxminən 55 faizi genlərdən asılıdır, qalan 45 faizi isə qidalanma, hərəkətli həyat tərzi və gündəlik vərdişlər kimi insanın özü tərəfindən idarə edilə bilən amillərlə müəyyən olunur.

Axar.az xəbər verir ki, bu barədə “Science” nəşri məlumat yayıb.

Alimlər araşdırmada ölümlərin səbəblərini iki hissəyə bölüblər: qəzalar və infeksiyalar kimi insanın nəzarətindən kənar olan xarici səbəblər və orqanizmin daxili xüsusiyyətləri ilə bağlı amillər.

Xarici səbəblər nəzərə alınmazsa, genlərin insan ömrünün uzunluğuna təsiri boy və bədən quruluşu kimi əsas bioloji xüsusiyyətlərin təsiri qədər güclüdür.