Gəncədə burnundan estetik əməliyyat olunarkən həkim səhlənkarlığından dünyasını dəyişən gənc qızın bu il BDU-ya qəbul olunduğu üzə çıxıb.

Axar.az xəbər verir ki, avqustun 23-də Yeni Gəncə Özəl Tibb Mərkəzində Mayıl Əliyev və Mehdi Talışinskinin icra etdiyi əməliyyat zamanı şəhər sakini 17 yaşlı Aygül Orucova dünyasını dəyişib. Burnundan estetik əməliyyat edilən Orucova narkozdan ayılmayıb.

Kəpəz TV-nin məlumatına görə, Aygül Orucova bu il 601 bal toplayaraq, Bakı Dövlət Universitetinə qəbul olunubmuş.

Faktla bağlı Gəncə Şəhər Prokurorluğunda 124.1 (ehtiyatsızlıqdan adam öldürmə) maddəsi ilə cinayət işi başlanıb. Hüquq-mühafizə orqanları tərəfindən araşdırma davam etdirilir.