İqlim üzrə tədqiqatlar yaxın illərdə Xəzər dənizində su səviyyəsinin azalmasının davam edə biləcəyini göstərir.

Axar.az Teleqraf-a istinadla xəbər verir ki, bunu Rusiyanın Hidrometeoroloji Tədqiqatlar Mərkəzinin tədqiqatçısı Yelena Ostrovskaya BMT-nin Ətraf Mühit Proqramı (UNEP) ilə tərəfdaşlıq çərçivəsində Bakıda keçirilən 5 iyun – Ümumdünya Ətraf Mühit Gününə həsr olunan tədbirdə baş tutan "Xəzər dənizi dönüş nöqtəsində: Dəniz səviyyəsinin azalması və regional fəaliyyət üzrə elmi-analitik müzakirə" adlı yan tədbirdə deyib.

O bildirib ki, Xəzər dənizinin səviyyəsinin dəyişməsi təbii prosesdir və tarix boyu bu hal dəfələrlə baş verib:

"Müxtəlif dövrlərdə su səviyyəsinin həm artması, həm də azalması müşahidə olunub. Stansiyalarda aparılan ölçmələr göstərir ki, son 200 illik dövrdə də su səviyyəsində enmələr və qalxmalar qeydə alınıb".