Goranboy Rayon İcra Hakimiyyətinin sabiq vəzifəli şəxsi Şaiq Qənbərli hakim qarşısına çıxarılacaq.

Axar.az Bakupost.az-a istinadla xəbər verir ki, Goranboy Rayon Prokurorluğunda aparılan istintaq yekunlaşıb və Şaiq Qənbərlinin Azərbaycan Respublikası Cinayət Məcəlləsinin 156.1-ci maddəsi ilə təqsirləndirilməsinə dair cinayət işi baxılması üçün Goranboy Rayon Məhkəməsinə göndərilib.

O, ədavəti olduğu Goranboy rayon sakininin şəxsi həyatına dair məlumatları gizlicə lentə alıb, onu ifşa etmək üçün yaymaqda ittiham olunur.

İşə hakim Hafiz Əliyevin sədrliyi ilə 13 iyul 2026-cı il tarixində baxılacaq.

Qeyd edək ki, bir müddət əvvəl Ş.Qənbərli barəsində cinayət işi açılması barədə məlumat yayılmışdı. O isə media orqanları ilə əlaqə saxlayaraq, bu iddiaları qəti şəkildə təkzib etmişdi, xəbəri “yalan” və “böhtan” adlandırmışdı.