10:43

Xaçmaz rayonu Arzu kəndində 1972-ci il təvəllüdlü Novruzov İlqar Məmmədəli oğlu bıçaq xəsarətləri ilə Xaçmaz Mərkəzi Rayon Xəstəxanasına çatdırılıb.

Report-un məlumatına görə, həkinmlərin cəhdlərinə baxmayaraq, çoxsaylı bıçaq xəsarətləri alan yaralını xilas etmək mümkün olmayıb.

Faktla bağlı Xaçmaz Prokurorluğunda araşdırma aparılır.

Rayon prokurorunun böyük köməkçisi Əlibala Şahverənovun verdiyi məlumata görə, hadisə ilə bağlı prokurorluq "qəsdən adamöldürmə" maddəsi ilə cinayət işi açıb.

***

Xaçmazın Arzu kəndində baş verən qətlin bağlı bəzi təfərrüatları bəlli olub.

Lent.az-ın məlumatına görə, İlqar Məmmədəli oğlu Novruzovla Gündüz Əli oğlu Məhərrəmov bir yerdə yemək yeyib, spirtli içki qəbul etdikdən sonra aralarında xoşagəlməz söz-söhbət yaranıb. Nəticədə Gündüz Əli oğlu Məhərrəmov İlqar Məmmədəli oğlu Novruzovu bıçaqlayıb.

Faktla bağlı Xaçmaz Rayon Prokurorluğunda araşdırma aparılır.