Yardımlı rayon İcra Hakimiyyətində əməliyyat keçirilib.

Axar.az lent.az-a istinadla xəbər verir ki, Baş prokuror yanında Korrupsiyaya qarşı Mübarizə Baş İdarəsi tərəfindən həyayata keçirilən əməliyyat nəticəsində bir neçə vəzifəli şəxsin saxlanıldığı bildirilir.

Baş Prokurorluğun Mətbuat xidmətindən faktı təsdiqləyiblər.

"Ölkə.az"ın yaydığı xəbərə görə, tutulanlar İcra Hakimiyyətinin Sosial-iqtisadi inkişafın təhlili və proqnozlaşdırılması şöbəsinin müdir müavini Elçin Adil oğlu Mirzəyev və baş məsləhətçi Yaşar Həsənağa oğlu Eyvazovdur.

Məlumata görə, onlar qanunsuz torpaq satışında şübhəli bilinirlər. E.Mirzəyev və Y.Eyvazova qarşı vəzifədən sui-istifadə və korrupsiya ittihamları irəli sürülüb.

Qeyd edək ki, bu gün Prezident İlham Əliyevin imzaladığı Sərəncamla Ayaz Nəriman oğlu Əsgərov Yardımlı Rayon İcra Hakimiyyətinin başçısı vəzifəsindən azad edilib.