Ana səhifə Toplum |
Zeynal Çobanov həyat yoldaşını sərxoş vəziyyətdə döydüyünü etiraf edib.
Balakəndə 52 yaşlı qadın əri tərəfindən döyülərək qətlə
yetirilib.
Hüquq-mühafizə orqanından APA-nın Şəki-Zaqatala bürosuna verilən məlumatına
görə, hadisə rayonun Poçtbinə kəndində qeydə alınıb. Kənd sakini,
1964-cü il təvəllüdlü, Kainat Zeynəddin qızı Çobanovanın üzərində
döyülməyə xarakterik xəsarətləri olan meyiti Balakən Rayon Mərkəzi
Xəstəxanasının morquna daxil olub. Balakən rayon Polis Şöbəsi və
rayon prokurorluğunun əməkdaşlarının birgə həyata keçirdikləri
əməliyyat-axtarış tədbirləri nəticəsində Kainat Çobanovanın əri,
1970-ci il təvəllüdlü Zeynal Ramazan oğlu Çobanov tərəfindən
döyülərək öldürülməsi müəyyən edilib. Zeynal Çobanov ifadəsində
həyat yoldaşını sərxoş vəziyyətdə döydüyünü etiraf edib. Həyata
keçirilən tədbirlər nəticəsində Zeynal Çobanov şübhəli şəxs
qismində saxlanılıb.
Əlavə edək ki, onların 5 övladı var.
Faktla bağlı Balakən rayon prokurorluğunda CM-nin müvafiq maddəsi ilə cinayət işi başlayıb, istintaq tədbirləri davam etdirilir.
Tarix
2016.10.18 / 22:34
|
Müəllif
Axar.az
|