12:10

Bakı-Quba avtomobil yolunun Sumqayıt şəhərindən keçən hissəsində ağır yol-nəqliyyat hadisəsi baş verib.

Axar.az Baku TV-yə istinadla xəbər verir ki, ölən şəxs hərbçi olub.

Bildirilib ki, o, yemək üçün hərbi hissənin qarşısındakı kafeyə gedib və geri qayıdarkən avtomobil onu vurub.

Sakinlər hadisənin baş verdiyi ərazidə işıqlandırmanın olmadığını deyirlər.

Onların sözlərinə görə, yolun qaranlıq olması həm piyadalar, həm də sürücülər üçün təhlükə yaradır.

***

Oxu.az-ın əldə etdiyi məlumata görə, hadisə sentyabrın 24-də saat 22:00-da H.Z.Tağıyev qəsəbəsinin ərazisində baş verib.

"1997-ci il təvəllüdlü Xaçmaz rayon sakini Tural Camub oğlu Məhərrəmov idarə etdiyi "Hunday" markalı avtomobillə yolu keçən Bakı şəhər sakini 1993-cü il təvəllüdlü Elxan Tofiq oğlu İsayevi vurub. E.İsayev hadisə yerində ölüb.

Faktla bağlı araşdırma aparılır.

Qeyd edək ki, Elxan İsayev Vətən müharibəsində iştirak edib və yaralanıb.