Azərbaycan Əmanətlərin Sığortalanması Fondu (ADİF) bu il lisenziyası ləğv edilən 10 kommersiya bankının qorunan əmanətçilərinə kompensasiya ödənişini davam etdirir.

Fonddan Axar.az-a verilən məlumata görə, indiyə qədər bu bankların əmanətçilərinə ümumilikdə 667,072 mln. manat ödənilib.

Belə ki, Parabank ASC-nin qorunan əmanətçiləri 42,745 mln. manat, Zaminbank ASC - 52,208 mln. manat, Kredobank ASC - 26,688 mln. manat, Dekabank ASC - 2,906 mln. manat, Atrabank ASC - 14,176 mln. manat, Qafqaz İnkişaf Bankı ASC - 1,88 mln. manat, Bank of Azerbaijan ASC - 24,117 mln. manat, Gəncəbank ASC - 969 min manat, Texnikabank ASC - 120 mln. manat, Bank Standard QSC-nin qorunan əmanətçiləri isə 381,525 mln. manat kompensasiya alıblar.