Urmu gölündə suyun səviyyəsi ötən ilin müvafiq dövrü ilə müqayisədə 3 sm artıb.

Axar.az xəbər verir ki, bu barədə Şərqi Azərbaycan vilayətinin abadlaşdırma üzrə valiliyinin müavini Məhəmməd Sadiq Purmehdi məlumat verib.

Onun sözlərinə görə, Urmu gölünün quruması dayanıb. O bildirib ki, Urmu gölünün yenidən bərpası üçün bir çox işlər görülməlidir. Bunun üçün yerli əhali arasında da maarifləndirmə işləri aparılır.

Qeyd edək ki, Urmu gölü son illərdə yağıntıların azalması, gölə axan çayların üzərində bəndlərin tikilməsi və ətraf sulardan düzgün istifadə edilməməsi nəticəsində quruyub. Hazırda gölün suyunun yalnız 20 faizi qalıb.