Axar.az
Yuxarı

İftar verməyin savabı

Ana səhifə Toplum
12 Punto 14 Punto 16 Punto 18 Punto

İslam dininin müsəlmanlara verdiyi göstərişlərdən biri də ehtiyacı olanlara və yoxsullara yemək verməkdir. Dinimiz buyurur ki, əgər qonşun acdırsa, sən tox ola bilməzsən. Gərək yeməyinin bir hissəsini onunla bölüşəsən.

Axar.az dəyərlər.org-a istinadən bildirir ki, yoxsullara yemək verməyin ən bariz nümunəsi kimi "İnsan" surəsini görmək olar. Allah bu əmələ görə məsumları (ə) o qədər mədh edir ki, bu əməlin əhəmiyyətini daha yaxşı dərk etmək olur.

Yoxsullara yemək vermək - peyğəmbərlərin (ə) sünnətidir. Həzrət İbrahim (ə), Həzrət Rəsuli-Əkrəm (s) bu sünnətin bariz nümunələridir. "Onlar İbrahimin yanına gəlib salam verəndə o dedi: "Salam (olsun sizə)". (Lakin öz-özlüyündə) "(bunlar) yad bir dəstədirlər" (dedi). Gizlincə ailəsinin yanına getdi və (kabab edilmiş) kök bir buzov gətirdi. Onu onların qabağına qoydu (və yemədiklərini görüb) dedi: "Yemirsiniz?!". ("Zariyat" 24-27).

Quranda oxuyuruq ki, Allah peyğəmbərə (s) buyurur: "Beləliklə, ondan özünüz də yeyin, çox ehtiyac içində olan yoxsula da yedirin". ("Həcc" 28).

Mübarək Ramazan ayında verilən iftar süfrələri də infaqın bir növüdür. Bu əməl cəmiyyətdəki məhəbbət və ülfəti artırır və qəlbləri bir-birinə yaxınlaşdırır.

İmam Sadiq (ə) buyurur: "O kəs ki, iftar verər - onun əcr və savabı oruc tutanların savabı kimidir".

İmam Kazım (ə) buyurur: "Oruc olan din qardaşına iftar vermək (müstəhəb) oruc tutmaqdan daha yaxşıdır".

Həzrət Peyğəmbər (s) "Şəbaniyyə" xütbəsində iftar vermək haqqında buyurur: "Hər kim bu ayda bir mömin oruc tutana iftar verərsə, Allah yanında savabı bir qul azad etməyə bərabərdir. Həmçinin keçmiş günahlarının bağışlanmasına səbəb olar". Bir nəfər qalxıb sual verir ki, əgər bizim yemək verməyə imkanımız yoxdursa, onda həmin savab bizə çatırmı? Həzrət (s) cavabında buyurur: "Allah Kərimdir. Bu savabı hətta o kəsə verər ki, oruc tutanın ixtiyarına bir qurtum süd, ya su və ya bir neçə xurma qoyar ki, orucunu iftar etsin".

Tarix
2017.06.07 / 02:22
Müəllif
Axar.az
Şərhlər
Memorial Zefer
Digər xəbərlər

Saleh Rüstəmli evində - Foto

"Texnofest Azərbaycan"ın proqramına dəyişiklik edildi

Oğuzda ev yandı: 82 yaşlı qadın yanaraq öldü

Fuad Oqtay: İşğalın izlərini silmək vəzifəmizdir!

Prezident və birinci xanım Ağalı məktəbində - Foto

Dövlət başçısı və birinci xanım həkimlərlə söhbətləşdi

Prezident Zəngilan sakinləri ilə görüşdü

Prezident və xanımı "Arximed" stansiyasında

Prezident "ağıllı kənd təsərrüfatı" texnikalarına baxış keçirdi

Çindəki səfirliyimizin yeni möhtəşəm binası - Foto

KULT
<>
Xəbər xətti
Axar.az'da reklam Bağla
Reklam
Bize yazin Bağla