Armis Labs firmasının mütəxəssisləri qurğunu Blutuz vasitəsilə 10 saniyəyə dağıtmağa qadir olan virus aşkarlayıblar.

Axar.az xəbər verir ki, Vired nəşrinin yaydığı məlumata görə, Blueborne adlandırılan virus kompüterlər və mobil qurğulara nəzarət etmək imkanı yaradır. Bu zaman yoluxdurma üçün Blutuz-u işə salmaq kifayətdir. Sındırılma prosedurunun özü isə cəmi 10 saniyə vaxt aparır.

Armis Labs ekspertləri vurğulayıblar ki, BlueBorne, həmçinin kibercasusluq, məlumatların oğurlanması, pul qoparmaq niyyəti güdən proqramların tətbiqi məqsədləri ilə istifadə oluna bilər. Aşkar edilmiş zəif nöqtələr Android, Linux, Vindows və iOS-un onuncu versiyalarınadək bütün qurğularda mövcuddur. Blutuz-u olan bütün belə qurğuların sayı dünyada 8,2 milyarda çatır.