"Qurdlar vadisi" serialında yaratdığı Alimcan Kondurbayev (çeçen lider) obrazı ilə yaddaşlara həkk olunan təcrübəli aktyor Hakan Meriçlilər yeni layihə üçün müqavilə imzalayıb.

Kult.az Ölkə.az-a istinadən xəbər verir ki, o, "Pastel Film"in istehsalı olan və yaxınlarda "Kanal D"də yayımlanacaq "Daha 17" serialının heyətinə qatılıb.

Aktyor yeni layihədə Rəmzi obrazını canlandıracaq. Məktəb direktoru rolunda tamaşaçı qarşısına çıxacaq Meriçlilərin serialın ikinci bölümündən etibarən hekayəyə daxil olacağı bildirilir.

Hakan Meriçlilər son dövrlərdə ciddi pəhriz və idman sayəsində təxminən 15 kiloqram çəki atıb. Yeni rolu üçün xarici görünüşündə kəskin dəyişiklik edən aktyorun bu imici artıq maraq doğurmağa başlayıb.

Qeyd edək ki, aktyorun rol aldığı "Bir adam yaratmaq" filmi isə mayın 1-də kinoteatrlarda nümayiş olunacaq.